Новата верзија на култните патики од „Nike“ ќе ве освои на прв поглед

Совршени патики за оние што сакаат злати детали

Спортскиот бренд „Nike“ го доби името по грчката божица Ника која во грчката митологија е божица на триумфот и победата. Овој пат мотивите кои потсетуваат на естетиката на античката митологија можеме да ја забележиме и на новиот култен модел „Cortez“ кој сега се појави со ново руво.

Популарниот модел овој пат ни доаѓа во бела боја со златни акценти од кои посебно се истакнуваат златните лисја извезени на патиките. Интересен е и ѓонот кој е полупроѕирен и содржи суптилно златен глитер. Патиките се одлучен избор за оние што обожаваат златни детали и кои оваа есен имаат намера да ја освежат својата колекција со патики.

Иако се уште го нема точниот датум кога ќе се појават во продавниците, воопшто не се сомневаме дека веќе имаат голем број обожаватели ширум светот.