Не доаѓајте во Германија, не се исплаќа повеќе да се живее овде…

„Не доаѓајте во Германија, не се исплаќа повеќе да се живее овде“, се почесто го слушам и читам ова од истите луѓе кои упорно седат во Германија, не ја напуштаат, не се враќаат назад ама вие немој да доаѓате, не се исплаќа повеќе!

Еве да ви ја објаснам ситуацијата на кратко:

Струјата двојно поскапе, парното поскапе, храната поскапе, НО државата постојано дава поволности:

Минималецот го покачија на 12.41 евра

Миниџоб го покачија на 520 евра

Дадоа 300 евра енергетски бонус во септември

Државата го плати парното во декември

Од март државата ги замрзна цените на струјата и парното и плаќа се што е вишок

250 евра детски додаток од 01.01.2023

Данокот се намалува, границите за оданочување се зголемуваат

Додатокот за домување – Wohngeld се зголемува

Се воведува Бургергелд со сите додатоци

Платите растат, синдикатите ги покачуваат за 10-15%

Храната сè уште е убедливо најевтина во регионот во споредба со стандардот.

Извинете, но што направија нашите земји за тоа???

Животот во Германија се уште е многу подобар отколку во Македонија и воопшто на Балканот.

Државата е организирана, здравството е бесплатно.

Сите кукаат за нешто, но никој не се враќа! А вас ве убедуваат: не доаѓајте, не чини овде.

Многу и ќе се пронајдат во текстов, некои од едната, некои од другата страна…но таа е вистината, ве молам
исправете ме ако не е така.

Исто и многу од постарите генерации, кога ги молевме да ни помогнат да дојдеме Германија, ни викаа: немате бугарски пасоши. Па вадевме бугарски, а потоа ни викаа: не знаете јазик. Па учевме јазик, па ни викаа: не чини во Германија, не е тоа што беше.

Извинете на сите што ќе се пројнајдете во статусов.

Со Почит

Емигрико.мк