Претставниците на Министерството за здравство на Велика Британија испратија предупредување до лекарите дека расте бројот на случаи кога деца се јавуваат во болница со болки во стомак и проблеми со срцето, што може да биде поврзано со коронавирусот, наведува хуманитарната организиција.
– Последните две недели забележан е пораст на бројот на случаи со мултисистематско воспалениско заболување кај деца од сите возрасти на кои им е потребна интензивна нега во Лондон, како и во другите региони од Велика Британија. Во сите случаи постојат значи симптоми на токсичен шок и атипична форма на синдромот кавасаки со индекси на крвта кои не можат да се споредат со тешки случаи на ковид-19 кај деца, се наведува во писмото.
Како што наведуваат експерти, болните деца имаат болки во стомакот, гастроинтестиранални симптоми и воспаление на срцевата марамица. Кај некои корона-тестот е позитивен, а кај некои не е, а постојат знаци дека некои деца развиеле антитела против вирусот.
Инаку, досега во светот се заболени над 3 милиони жители, додека животот го загубија 207.894 лица. Од последиците на заразата со коронавирусот досега се опоравија над 888 илјади луѓе.
