Бебето на Меган Маркл и принцот Хари треба да се роди во секој момент.
Обложувалниците се убедени дека пристигнува девојче кое парот ќе го нарече Дајана, но едно необично име последниве неколку денови молскавично се искачува на листата со обложувања.
Станува збор за италијанското име Алегра, кое наводно покојната принцеза Дајана би го избрала во случај еден ден да добие ќерка. Алегра на италијански јазик значи радосна, весела, и многумина сметаат дека девојчето на принцот Хари и Меган Маркл ќе го добие токму ова необично име.
Во прилог на тоа оди и претпоставката дека бебето нема да ја добие титулата Нејзино/Негово височество, па затоа и изборот на име за родителите е многу послободен од оној кој го имаат родителите на принцевите и принцезите.
