Три сестри од Црна Гора се породија истовремено
Црногорката Мара Мугоша деновиве стана баба и во исиот ден од своите три ќерки доби четири внучиња.
Оваа среќна и необична вест го израдува целиот регион, а настанот се случи во болницата „Данило Први“ во Цетиње.
Имено, три родени сестри се породија во иста болница и речиси истовремено, со разлика од само неколку часа, и ги родија Стефан, Дарија, Урош и Ања.
„Породувањата поминаа уредно. Семејството и нивните деца се добро“, изјави за телевизија Цетиње докторот Предраг Јовковиќ кој го предводел гинеколошкиот тим. Тие исто така беа изненадени од настанот.
Прва во породилната сала влегла Оливера Мугоша Миџор, која во петокот околу 9 часот наутро го родила Стефан. Еден час по неа нејзината сестра близначка јасна ги родила близнаците Урош и Ања, а нивната трета сестра Јелена се породила во 11 часот и на овој свет ја донела Дарија.
CETINJE: Porodile se istovremeno tri rođene sestre https://t.co/Lwyltugufd pic.twitter.com/3ytiJN8TFL
— Montenegro Magazin (@MneMagazin) November 8, 2019
Најсреќна е бабата Мара Мугоша која во ист ден од своите три ќерки си доби четири внучиња.
