Македонската победничка во „Ѕвездите на Гранд“ своите книги ги носи секаде, тие ѝ се најверни другари!
„Книгите секогаш се со мене, тие се моите верни другари“
Победничката од Македонија во „Ѕвездите на Гранд“, Славица Ангелова, во интервју за „Гранд“ откри дека била изненадена од победата.
Младата пејачка со потекло од Струмица и претходно за време на натпреварот во разговор со медиумите тврдеше дека кога има некоја цел пред себе и доколку навистина и се посвети, таа ќе ја оствари колку тоа и да изгледа неверојатно во тој момент.
„Стојам на ставот кога човекот ќе се труди и ќе работи на себе како и кога ќе вложи време во себе, дека може да успее“.
„Впрочем, тоа и се покажа“, изјави Славица во интервјуто.
Таа потоа зборуваше дека и самата не е свесна како успеала да ги усогласи сите обврски, посебно што студира во Софија, живее во Струмица, а заради шоуто постојано патувала во Белград.
На прашањето кога наоѓа време за учење, таа вели:
„Се обдувам, книгите се секогаш со мене во торбата така што тие ми се верни другари, па слободно можам да кажам дека ги зимам во рацете било каде и на било кое место. Секогаш пронаоѓам простор и место каде можам да се посветам на своето учење, вели таа во интервјуто.
Tаа и овој пат не сакаше да зборува за својот приватен живот истакнувајќи дека некои работи сака да ги задржи само за себе.
Инаку, по победата во шоуто своето воодушевување не можеше да го сокрие и нејзиниот ментор Ѓорѓе Давид.
Ова беше првиот триумф на познатиот рокер во ова шоу, а за Славица цело време имаше само пофални зборови:
„Неверојатно воспитано суштество, јас не верувам дека сум сретнал нешто вакво во 21 век. Таа е воспитана според каноните на крајот на 18 и почетокот на 19 век. Но успеав на еден перфиден начин, под наводници, да ја изведам ваква каде покажа дека е сериозна лавица“, изјави нејзиниот ментор за победничката.
Ѓорѓе заедно со Славица утре ќе настапи во Градскиот парк во Струмица, каде се поканети од градоначалникот на Струмица, Костадин Костадинов, сите задно да ја прослават победата.
Фото: Принтскрин/ Ѕвездите на Гранд
Фото: Принтскрин/ Ѕвездите на Гранд
Фото: Принтскрин/ Ѕвездите на Гранд
Фото: Принтскрин/ Ѕвездите на Гранд
Фото: Инстаграм/ Славица Ангелова
Фото: Принтскрин/ Ѕвездите на Гранд
Фото: Инстаграм/ Славица Ангелова
Фото: Инстаграм/ Славица Ангелова
