Која е младата новозеландска премиерка што го воодушеви светот со своето водство по страшниот терористички напад

По масакрот што се случи во петокот, премиерката на Нов Зеланд, Џасинда Ардерн (38) се соочи со најголемиот предизвик откако во октомври 2017 година ја презеде функцијата. По ужасниот терористички напад врз муслиманското малцинство, вниманието на оваа мала нација на Пацификот, но и на целиот свет беше свртено кон неа.

И она што го видоа и слушнаа ги воодушеви сите, барем судејќи според медиумските извештаи и коментарите на социјалните мрежи. „Џасинда Ардерн зрачи со водството по масакрот во Крајстчерч”, пишува Ројтерс. „Џасинда Ардерн го редефинира раководството во ерата на тероризмот”, пишува порталот „Women in the World“. „Џасинда Ардерн штотуку потврди дека типичното женско однесување е силно,” пишува магазинот и порталот „Sydney Morning Herald“.

Одговори мирно, сочувствително и решително

Ројтерс пишува дека премиерката на Нов Зеланд со својата смиреност и сочувство во одговорот на убиството на 50 муслимани од страна на осомничениот расист ја запечатила својата репутација како вистинска лидерка чија младост и слава претходно предизвикуваа сомнеж од страна на критичарите. Но нејзината решителност го промени тоа. Таа најголемото масовно убиство во време на мир во Нов Зеланд го нарече тероризам и се обиде да ја охрабри нацијата која досега генерално не била погодена од насилство и страв со каков се соочуваа некои други земји во изминатите две децении.

Еден ден по нападите таа ја предводеше повеќепартиската делегација при посетата на семејствата на загинатите и претставниците на муслиманската заедница. Носејќи црна шамија или хиџаб на главата во знак на почит кон муслиманите кои беа погодени од теророт, таа ги прегрнуваше членовите на семејството, слушајќи ги, сочувствувајќи со нив и нудејќи им утеха. „Премиерка која дојде со марама, тоа беше важно за нас”, рече Далија Мохамед.

И што е можеби најважно, Ардерн веднаш и решително најави политички одговор на теророт – построги регулативи за огнено оружје, односно забрана за полуавтоматски пушки, како оние какви што фашистичкиот терорист Брентон Тарант ги користеше во масакрот.

Во говорот што последните неколку дена го заобиколи светот и стана вирален, Ардерн масакрот што се одржа во петокот го нарече „еден од најтемните денови за Нов Зеланд”. Таа порача дека „тие сме ние“ за жртвите, муслимански имигранти и бегалците, кои се молеа во двете нападнати џамии. Во исто време истакна дека напаѓачот не е еден од „нас” и дека Нов Зеланд е „горда нација на повеќе од 200 етнички групи, 160 јазици“, и дека во нашата различност „ние ги делиме заеднички вредности”, како што е „сочувство”.

Многу новинари и корисници на социјалните мрежи истакна впечатлива разлика помеѓу брзата и одлучна реакција на владата на Нов Зеланд на прашањето за контрола на оружје по нападот и млаката, нерешителна и пасивна реакција на властите на САД, и конкретно на конзервативниот Доналд Трамп, по серијата слични масовни убиства.

New Zealand PM Jacinda Ardern declares that the gun laws will be changed after the horrendous massacre in Christchurch. Meanwhile, in the United States, all we hear after every mass shooting is worthless thoughts and prayers from our representatives.https://t.co/9vSaHue20D pic.twitter.com/vYlSP3Obuf

— Ann Telnaes (@AnnTelnaes) March 18, 2019

Can we just acknowledge with open hearts and clear heads that @jacindaardern has done an extraordinary job representing our nation, our pain and our resolve. I wish with everything in my heart she hadn’t had to, but I am proud that she did. #Christchurch

— Eric Young (@RealEricYoung) March 16, 2019

„Можеме ли само да признаеме со отворено срце и бистра главата, дека Џасинда Ардерн направени одлична работа претставувајќи го нашиот народ, нашата болка и нашата решителност. Со сето срце посакувам да не мораше, но јас сум горд што таа го направи тоа“, напиша новозеландскиот новинар Ерик Јанг кој предизвика бура од позитивни реакции и голем број лајкови на Твитер.

Со други зборови, Ардерн се смета за дел од новиот бран на млади прогресивни државни лидери, како што се францускиот Емануел Макрон и канадскиот премиер Џастин Трудо. Вниманието на светската јавност досега беше фокусирано на фактот дека Ардерн се породи за време на нејзиниот премиерски мандат, во јуни 2018 година. Таа се врати на работа по само шест недели од породилното отсуство.