Ким Кардашијан и Канје чекаат четврто дете – познат е и полот

Ким Кардашијан и Канје Вест го очекуваат своето четврто дете.

Американскиот таблоид „Us Weekly“ пренесува дека во прашање е син, и дека треба да го роди сурогат мајка која го роди и нивното трето дете, ќерката Чикаго.

Момчето треба да пристигне на свет во мај оваа година.

Ким Кардашијан и Канје покрај Чикаго ја имаат и петгодишната ќерка Норт како и тригодишниот син Сент, кои ги роди Ким, но поради нејзината последна тешка бременост, тие одлучија да добијат дете од сурогат мајка.

Ким еднаш откри дека сака да има четири деца.

„Мислам дека не би можела да поднесам повеќе од четири деца”, изјави таа во едно нејзино интервју, додека во реалното шоу „Keeping Up With The Kardashians“ откри дека нејзиниот сопруг сака тие да имаат седум деца.