Какви модели на фармерки ќе бидат во мода оваа есен

Неколку интересни трендови кога се во прашање фармерките

Веќе неколку сезони наместо „skinny“ модели порадo избираме рамни кроеви или популарните „фармерки за мами“ под влијание на трендовите од 90-тите. Тоа ќе го правиме и оваа есен, но овој пат ногавиците не само да не се залепени за нозете, туку се и поприлично широки. Тоа е продолжение на трендот со „culotte“ фармерките кои сите ги носевме оваа пролет, а меѓу најбарани се и фармерките во потемни нијанси со рабови со контрастен конец.

Она што ќе остане од летната сезона се популарните копчиња кои овој пат наместо на фустани и здолништа, ќе ги гледаме и на новите модели на фармерки. Бројни брендови ги користат наместо патент, а оние покреативните со нив ги украсија и ногавиците. Кога се трендовите во прашање пак, животинските дезени и кај фармерките нема да можеме да ги избегнеме, а оние на кои не им се доволни ваквите шари можат да ги пробаат таканаречените „Франкенштајн“ фармерки кои ги претстави брендот Monse. Во прашање се модели во кои секоја ногавица им е во поинаква нијанса, а на овој тренд не можeа да му одолеат ни Chloé, Victoria Beckham, Alexander McQueen и многу други познати дизајнерски имиња што имаат свои верзии на ваквите модели во неколку бои.

Повеќе модели проверете во галеријата …