Исплива стара фотографија од убавата водителка.
Јелена Спенџарска важи за лик кој нема „влакна на јазикот“ па често е мета на критики поради тоа, но има и такви кои ја сакаат и ценат баш поради таа причина.
Таа освен што е успешна ТВ-водителка важи и за една од популарните инфлуенсерки во Македонија и често знае да објавува интересни статуси и фотографии.
Па овојпат таа објави стара фотографија со познат Диџеј и напиша дека и недостасува времето кога се правеа забави, па порача дека никогаш не присуствувала на подобра журка.
„2013 година еј … Michel Gray беше во Битола и ја направи најјаката журка на отворено и тоа на дожд. Едно од поубавите искуства во мојот живот, небото буквално се отвори, а сите играа како луди … како ми фалат ваквите забави со диџеи, тоа е страшна работа“ напиша Спенџарска.
Сепак колку и да се согласуваме со неа не може, а да не забележиме дека Јелена изгледа преубаво тогаш и сега.
Витката фигура се уште ја краси како и тогаш, а се чини дека со текот на годините само станува поубава.
Јелена уште од мала знаела дека сака да стане новинарка, па иако се испробала и како манекенка, сепак на крајот се одлучила да се запише на правен, отсек новинарски студии.
Инаку како и на сите нас така и на Јелена деновиве и пречеше жештинава па на „стори „се пожали и напиша:
– Дали сте живи ме интересира, на овие 30 …, ма какви 30, на овие сто степени надвор. Клима е светска ствар, искрено да збориме.
Поздрав до сите оние имаат, а вие што немате, Господ нека е со вас! Мислев, еве веќе и не знам што мислев“, рече Јелена и повторно предизвика низа реакции.
Јелена важи за голем поддржувач на природата и своето тело на им порача на жените да се сакаат онакви какви што се.
„Време е да почнеш да си го сакаш своето тело!!! Сериозно!
Медиумите секој ден креираат некоја илузија за тоа како треба да изгледа женското тело и ние се фрливме на диети, гладувања теретани, приватни инструктори, пребарувања по нет кое е тоа магично апче што ќе нè направи да изгледаме како девојките од списанијата.“
„Тоа треба да го направиме за СЕБЕ, а не да им се допаднеме на другите. Затоа и ја прифатив понудата да бидам дел од кампањата на #mysfswimbody, да се охрабрам да облечам костим за капење без да си најдам триста недостатоци, да се погледнам во огледало и да си речам WOW!“
„Не се залажувајте дека јас сум слаба, па мене се ми стои, за какви недостатоци зборувам?! Искрено, посакувам подолги нозе, топ за*ник, топ дефинирани стомачни … листата е долга! Ама па … од друга страна … јас сум ова! Каква сум-таква сум! И прекрасна сум си“ напиша Јелена и додаде:
„Немам гајле ако не ти се допаѓам. Мојот живот … и тој е прекрасен и покрај твоето мислење“, напиша таа во описот на фотографиите.
