Како да се поздравуваме со пријателите заради корона вирусот
Индискиот премиер Нарендра Моди го понуди бесконтактниот „намасте“ поздрав кој е традиционален во неговата земја како замена за ракување во време кога целиот свет се обидува да го спречи ширењето на вирусот корона.
Нарендра ја повика својата земја да се врати на старата традиција која потекнува од нивните корени во борбата против епидемијата Ковид-19.
Премиерот на Индија деновиве со иста цел ги повика и сите луѓе од целиот свет да позајмат некои од секојдневните индиски пракси. Тој посебно се осврна на „намасте“ – традиционалниот индиски поздрав, кој подразбира благо наклонување додека рацете ви се притиснати дланка за дланка, со прстите насочени нагоре и палците кон градите.
„Ако од било која причина престанавме да го користиме овој поздрав, време е повторно да почнеме да го користиме наместо ракување“ изјави Моди, додавајќи дека ваквиот поздрав е веќе популарен и на други места во светот.
PM Netanyahu asks Israelis to do ‘namaste’ instead of shaking hands amid coronavirus fearshttps://t.co/ohFsgsxBLa pic.twitter.com/RH32KtL9SN
— Hindustan Times (@htTweets) March 4, 2020
Израелскиот премиер Бенјамин Нетанјаху е еден од оние кои го прифатија овој традиционален поздрав, охрабрувајќи ги своите сонародници да го следат примерот од Индија кога е во прашање поздравувањето.
