На Тамара ова не и беше прв настап на Евровизија
Пејачката Тамара Тодевска четири пати досега се најде на Евровизиската сцена – 2004 и 2014 беше пратечки вокал, додека во Белград, во 2008 година, настапи заедно со Врчак и Адријан со песната „Let me love you“. Но поради тогашните правила, иако беа 10-ти во полуфиналето, сепак не настапија на главната евровизиска вечер.
Имено, системот на гласање беше таков што гледачите и во двете полуфиналиња избираат по девет финалисти, а десеттиот го избира резервното жири кои беше составено од музичари и други јавни личности – тие десеттиот финалист ќе го именуваат оној кандидат кој освои најмногу гласови, а нема да биде избран со гласови од гледачите.
Тамара и оваа година поради системот на гласање, овој пат според бодовите од публиката, од второ место падна на осмото што сепак е историски успех за Македонија.
Но како што изјави за медиумите, горда е на постигнатиот резултат и се чувствува како да е победничка.
