Денес (12.12.) е полна месечина – еве како да ја искористите нејзината позитивна енергија
Енергијата на полната месечина може да биде добра за вас, ако ја користите правилно. Може да ви го зголеми нивото на позитивна енергија, но и да ги збуни вашите чувства.
Денот кога имаме полна месечина е посебен ден кога доживуваме кулминација на енергијата. Вибрациите стануваат посилни, водата во телото немирна. Некои луѓе оваа промена ја поднесуваат добро, а некои не. Поради тоа, на овој ден некои може да имаат повеќе сила и ентузијазам, некои да чувствуваат повеќе духовни вибрации, други да бидат нервозни, а некои пак да имаат проблеми со спиењето.
Ако сте во хармонија самите со себе, полната месечина ќе ви донесе многу позитивни вибрации. Запамтете дека универзумот секогаш го рефлектира она што го носиме внатре во нас. Затоа, внимавајте за што размислувате во текот на овој ден, зашто би можело да се оствари. Секоја енергија можете да ја искористите на добар или на лош начин, а тоа зависи само од вас.
На овој ден воздржете се од кавги, не лутете се, бидете мирни и дозволете некои работи едноставно да се случат. Мислете позитивно, фантазирајте, замислете како ви се остваруваат соништата. Медитирајте сами иливо група. И за крај, испратете им добра енергија на оние на кои им е потребна. Простувајте и правете добро, пратете им енергија и на оние кои страдат, кои се гладни и војуваат. Потрудете се енергијата да излезе од вашето срце.
