Драма, мистерија: Вилис во „Стакло“, се враќа како Дејвид Дан (видео)

Брус Вилис ја започна промотивната турнеја за својот најнов филм „Glass“. На премиерата во Њујорк, славниот актер беше придружуван од сопругата Ема Хеминг.

На виолетовиот тепих, 63-годишниот актер ѝ ја бакнуваше раката на 40-годишната сопруга, која изгледаше атрактивно во црн краток фустан. Парот заедно има две ќеркички.

Вилис, кој ја има главната улога во филмот, позираше и со колегите Семјуел Л. Џексон, Џејмс Макавој, Сара Полсон и Ања Тејлор-Џој.

Од филмот „Нескршлив“, Брус Вилис се враќа како Дејвид Дан, а Семјуел Л. Џексон како Елајџа Прајс, познат по својот псевдоним, г. Стакло. Ним им се придружуваат Џејмс Макавој од филмот „Поделен“, репризирајќи ја улогата на Кевин Вендел Крамба и многубројните личности со кои живее и Ања Тејлор-Џој како ликот на Кејси Кук, заробеникот што преживеаЛ средба со Ѕверот.

Надоврзувајќи се на приказната од крајот на филмот „Поделен“, г. Стакло го наоѓа Дан во потрага по натчовечката верзија на Ѕверот.