ГОЛЕМА ТРАГЕДИЈА – почина фудбалер (13) на сред натпревар
Трагичен настан ја потресе Франција, поточно департманот Јон, каде млад фудбалер на клубот од Антантата Парон Сен-Клемент (13) почина од срцев удар за време на натпреварот на јуниорскиот тим до 15 години против тимот на Женс Сењонес минатиот викенд.
Немилиот настан се случил на стадионот Фос-о-Вакс во Санс, кога младиот фудбалер одеднаш почувствувал силна болка во градите и побарал да биде заменет. Откако седна на клупата, состојбата наеднаш се влоши и колабира.
Претседателот на фудбалската област Јон, Кристоф Кајет, рече дека тренерот му предложил на момчето да се одмори на клупата поради болката што ја чувствува.
– Неговиот тренер му предложи да дојде и да се одмори на клупата. Една минута подоцна паднал на земја додека бил во свесна состојба – рекол тој.
Брзата помош брзо интервенирала и го пренела младиот играч во болница, но за жал 15 минути подоцна била констатирана смрт. Клубот веднаш реагираше со организирање психолошка поддршка за другите млади играчи кои беа сведоци на овој трагичен настан.
Медицинските експерти сега ќе спроведат истрага за да се утврдат причините за смртта на младиот фудбалер.
