Голем скандал го тресе светот – ако Израел до крајот на овој ден НЕ ги уплати парите нема да биде домаќин на Евровизија
Уште пред самата победа на претставничката на Израел, Нета Барзилај, на Евровизија почнаа да се појавуваат и противењата овој фестивал да се одржи во оваа земја и тоа најмногу поради безбедносни причини.
Како можна замена за Израел уште од самиот почеток се споменуваше Австрија бидејќи претставникот на оваа земја, Сизар Сампсон, го освои третото место, но првото според гласовите на жирито.
Како што наведуваат странските медиуми Виена би можела да биде следниот домаќин на овој фестивал бидејќи државната телевизија на Израел КАН побара пари од државата за организација на фестивалот, но министерот за финансии одби да и даде на располагање средства.
Имено, Израел мора да уплати кауција во вредност од 12 милиона евра на швајцарска сметка, како гаранција за прифаќање на организација на Евровизија. Рокот за уплата истекува во вторник, односно до крајот на овој ден, и ако парите не се најдат на сметката ќе се бара друга земја да биде организатор на натпреварот, а Австрија, која пред две години беше домаќин, повторно е подготвена да ја преземе таквата улога. Поради ситуацијата КАН се обрати до израелскиот премиер Бенјаним Натанјаху со молба државата да им стави на располагање средствата.
