Гиговска го покажа стомакот, па испрати важна порака за бременоста – пејачката ќе стане мајка на 22 години

Младата пејачка Антониа Гиговска (22) наскоро ќе се оствари во улога на мајка. Таа ги изненади сите кога ја објави веста дека е бремена, а најмногу нејзиниот партнер кој не ја криеше среќата.

Имено, нејзиниот партнер Роберт Спасенцовски тогаш се фотографираше со тестот за бременост во устата и ги „шокираше“ сите.

Од тогаш фановите на пејачката беа нестрпливи да ја видат со трудничко стомаче, кое Гиговска сега воопшто и не го крие.

Таа и во бременоста е мошне активна на социјалните мрежи, а овој пат покажа како изгледа во долг плетен фустан и ги воодушеви сите.

Таа се фотографираше заедно со познатиот фризер и стилист, а во преден план е нејзиното трудничко стомаче.

Инаку, Гиговска со својот беспрекорен глас важи за една од нашите најдобри пејачки, коа отсекогаш максимално била посветена на работата, па повеќе од сигурни сме дека така ќе биде и кога е во прашање семејството. Таа неодамна на прашањето зошто толку млада одлучила да стане мајка, одговори дека нема ништо поубаво од тоа да бидеш мајка на млади години.

„Јас отсекогаш сакав да сум млада мајка и кога некоја девојка би ме прашала што мислам на темата ќе и кажам дека нема нешто поубаво од тоа да бидеш мајка на млади години“.

„Имаш и трпение и живци а и бременоста е 99% без никаков ризик отколку на постари години. А и зошто такво размислување дека 22-23 години се малку години за да станеш мајка? Мислам дека само ние на Балканот сме со такви размислувања. Напротив… Ќе имам време и за мене, и за моето бебе и за кариера, ќе можам побрзо да си го вратам телото во онаа форма во која што бев и ред други работи. А најважно од се е што ќе си имам најдобар другар кога ќе имам 40!“, напиша тогаш Гиговска на својот профил на Инстаграм.

Фото: Инстаграм/ Антониа Гиговска

Фото: Инстаграм/ Антониа Гиговска

Фото: Инстаграм/ Антониа Гиговска