Гиговска во уште едно Ким Кардашијан издание со кое никого не остави рамнодушен

Можеби изгледа необично, но во прашање е голем тренд

Младата македонска пејачка повторно ги изненади сите со својот необичен стајлинг. Во прашање е едно од највпечатливите изданија во кои што сме ја виделе досега и тоа поради еден на прв поглед сосем обичен детаљ. Имено, Гиговска носи „бициклистички“ кои важат за еден од најголемите, но и најсмелите трендови меѓу познатите дами и кои се апсолутен хит во последните неколку сезони.

Меѓу првите ги носеше Ким Кардашијан која досега сме ја виделе во сите можни изданија со ова парче позајмено од спортската облека, но мораме да признаеме дека и ова на нашата пејачка буквално не остави без зборови.

Имено, Антониа ги „фураше“ со краток топ и „оверсајз“ сако во сива нијанса кое стои преубаво на пејачката, а целото издание дополнително го „подигна“ со пунџата и елегантните сандали кои се врзуваат на зглобовите.