Влезниците за Сашко Коцев се продаваат како алва – ШТИПЈАНИ ПОБРЗАЈТЕ, и ова ќе отиде за миг!

Кој вели дека луѓето кај нас не одат на културни настани?

Коцев со брзина на светлината го распродаде својот стендап во Штип, па повторно се огласи и закажа уште една настап.

Како што се шушка зад кулоарите, Сашко Коцев го распродаде своето стендап шоу во Штип и тоа пред да бидат залепени постерите.

Тој на 2 април во 20.00 часот ќе излезе пред полна сала во НУЦК „Ацо Шопов“ со своето стендап шоу „Широк Дијафазон“.

И бидејќи влезниците со брзина на светлината беа распродадени уште првиот ден откако настанот беше најавен, а заинтересираноста кај штипјани е голема, Сашко веднаш закажа уште едно шоу, на истото место, но два дена подоцна, односно на 04 април.

Влезниците во претпродажба чинат 400 денари и за првото шоу беа распродадени за само неколку часа, а овој податок ги демантира мислењата дека луѓето во Македонија не одат на културни манифестации.

Влезниците можат да се резервираат на телефонскиот број 077 533 668 и ќе се продаваат во Фото Мак студио на градскиот Плоштад Штип, а на врата ќе чинат 500 денари. Но според огромната заинтересираност меѓу обожавателите за „Широк дијафазон“, голема е веројатноста и второто шоу да биде распродадено однапред.

Па, доколку сакате да го гледате Сашко Коцев во живо и да се газите од смеење, јавете се и резервирајте си влезница на време.

Но тоа навистина мора да го направите брзо, пред повторно да бидат разграбани сите места како и за првото шоу.

Повеќе информации побарајте тука >>