БЛАЗЕ СИ ИМ – овие граѓани добиваат 30.000 денари плус на своите сметки
Од април функционерите ќе добијат ново покачување на својата плата. Во зависност од позицијата на која се наоѓаат тоа ќе се движи од 300 до 500 евра плус месечно.
Со новото усогласување на платите со минималната плата, Претседателот месечно ќе не чини околу 3.000 евра нето, а пратениците околу 2.000.
Ваквото зголемување ќе биде редовно секоја година бидејќи Уставниот суд ја укина фиксната основица, па сега, како расте просечната плата, така ќе растат и платите на министрите, судиите, обвинителите, градоначалниците, односно на вкупно 1.060 функционери.
Инаку, вакво зголемување пристига и откако лани платите само на функционерите пораснаа за неверојатни 78%.
И додека власта речиси секојдневно потсетува дека со покачувањата на платите годинава минималната плата ќе порасне на 22.500 денари, изостава да спомене дека таа ќе биде пониска од 400-те евра кои како покачување ќе ги надополнат функционерските плати.
Зголемувањето на платите доаѓа како резултат на растот на просечната плата во земјава.
Од ВМРО-ДПМНЕ, пак велат дека платите на работниците се зголемуваат многу бавно, наспроти енормното зголемување на трошоците за живот. Ја обвинува власта за погрешни економски политики и тврдат дека Македонија е последна во регионот по економски раст од 2017 година.
Европски сојуз за променa ИМ ПОРАЧАА – Малку им беше покачување на платите за 78 отсто, сега плус 400 евра а за граѓаните милостина.
„За функционерите малку беше покачување на платите за 78 отсто, сега плус 400 евра, а за граѓаните милостина од 2 илјади денари. Изнудувањето на народот во секоја можна форма е хронична болест на оваа власт. Без никаков срам ги лажат граѓаните и ги крадат. Сега кога се ближат изборите, власта почна предизборна кампања, манипулирајќи го народот со наводно антикризни мерки“, велат од Европскиот сојуз за промени.
Со одлука на Уставен суд функционерите од лани земаат повисоки плати за 78 проценти, наспроти нив голем број на синдикални работници излегоа на протести со барање и тие да добијат повисоки плати за 78 проценти.
