Зошто вашата шминка НЕ изгледа толку добро колку што би сакале?

Колку и да се трудите да се нашминкате добро, нешто никако не ви се совпаѓа.

Колку и да се трудите да се нашминкате добро, нешто никако не ви се совпаѓа. Никогаш не можете да го постигнете крајниот резултат кој сте го виделе на некоја девојка. Се прашувате во што е проблемот? Па, можеби правите некои од следниве грешки.

Не водите грижа за својата кожа

Добрата кожа ќе ви даде и добра основа за вашата шминка. Па, чистењето и негата се од особена важност. Откако ќе ја освежите вашата кожа со производите кои ви одговараат, тогаш подгответе ја за шминкање, на пример, користете хидратантни креми и слично. Само внимавајте да оставите доволно време помеѓу хидратацијата и шминкањето, за кожата да има време да го впие кремот.

Користите погрешни производи

Не користете ги прстите, ако можете да користите четки. Чистете ги редовно четките за шминка. Не мешајте ги сенките со руменилото и не ставајте сѐ во ист „кош“. Вашата опрема за шминкање мора да биде хигиенски чуваната, да одговара на вас и на вашиот изглед, стил и потреби. Не мора да биде професионална, но мора да биде пристојна.

Генијален трик со руменило со кој ќе го освежите вашето лице >>

Шминката која ја користите не ви одговара

Постојат различни форми на шминка. Пронајдете ја онаа која најмногу одговара на вашиот тен, тип на кожа, но и потребите, доколку сакате да постигнете најдобри резултати.

Користите погрешни бои

Дали навистина ви стои добро црвен кармин? А виолетова сенка? Можеби „силната“ шминка воопшто не е за вас и треба да побарате нешто понежно, што ви одговара. Па, дури тогаш ќе изгледате совршено. Консултирајте се со некој експерт и одредете го својот тон на кожа, па според тоа избирајте ги и боите што ќе ги користите.

Нови трендови, нови трикови: вака сега се носи туш за очи >>

Користите шминка чијшто рок на траење е изминат

Затоа таа нема добра текстура, не се размачкува како што треба, има чуден мирис, а уште почудно изгледа на вашето лице. Затоа, веднаш отфрлете ја!

Не обрнувате внимание на деталите и имате западнато во мејкап рутина

Немојте да им бидете роб на правилата. Не мора на вашето лице да го ставите баш секој производ кој постои. Можеби секогаш не мора да ставите маскара или руменило. Обрнете внимание на деталите, не работете механички.

Како да го изберете вистинското руменило за вас >>