Зошто Босанац 30 години не ја испушта бројаницата од раце – причината е една жена што му го сменила животот
Приказната зад навиката на хармоникашот и член на жирито на популарните музички натпреварувања, нема врска со религија.
Хармоникашот, композитор и аранжер Драган Стојковиќ Босанац, познат по долгогодишното учество во жирито на музичките формати „Ѕвездите на Гранд“ и „Пинкови ѕвезди“, со години го привлекува вниманието на гледачите со еден мал, но препознатлив детаљ: бројаница во рацете.
Многумина претпоставуваа дека се работи за религиозен предмет со духовна симболика, но вистината, како што откри Босанац, е сосема поинаква и изненадувачка.
„Една жена ми го смени животот“
Босанац открива дека неговата бројаница воопшто не е поврзана со вера или некаква духовна практика. Навиката се родила пред речиси три децении, по една реченица која засекогаш му останала во глава.
„Што се однесува до бројаницата, нема никаква ни верска, ни друга конотација. Тоа има врска со момент од пред 20 или 30 години. Една госпоѓа од Данска ми рече: ‘Вие од Балканот постојано зборувате со рацете’. Тогаш сфатив дека бројаницата ме смирува. Ми помага да не мавтам со рацете и да не повредам некого. Со неа убаво зборувам, а рацете ми мируваат,“ раскажа Стојковиќ пред снимањето на новата епизода од „Пинкови ѕвезди“ за српските медиуми.
View this post on Instagram
Оттогаш, бројаницата му станала видлив дел од јавниот настап, не како духовен, туку како психолошки инструмент за смирување и фокус.
Иако Босанац ја користи од сосема практична причина, бројаницата традиционално има длабоко значење во православната вера.
Таа претставува молитвен предмет направен од јазли или мониста, кој верниците го користат за молитва, смирување и концентрација.
Во многу земји, бројаницата се носи и како заштита или благослов, но исто така и како симбол на внатрешен мир.
Потсетуваме дека минатата недела Босанац влезе повторно во конфликт со членови од жирито на Ѕвездите на Гранд, откако по долго време учество во него премина во конкуретното натпреварување како член на жири.
Имено, Босанац на шега се изјасни во една прилика дека „Ѕвездите на Гранд се за баби и дедовци“, а пејачката Снежана Ѓуришиќ јавно му одговори на својот колега.
„Тоа е негово мислење. До вчера беше дедо, сега е момче и тоа е во ред. Не би сакала да коментирам подлабоко, затоа што на овој формат гледам како на ривалство, а малку ривалство е добро и пожелно во секое натпреварување“, изјави таа.
