Зорка ни подготви мини банички со сирење, лесни и брзи и за почетници – вакви вкусни досега не сте пробале!
За ова вкусно утринско задоволство не ви треба многу време, ниту искуство. Потребно е само малку трпение и добро расположение.
Неделното утро мириса на домашна кујна и љубов во домот на Зорка Јанчева од Тиквешијата, особено кога во неа се печат банички, како што беше случај утрово.
Зорка е позната меѓу своите следбеници на социјалните мрежи по едноставни, но совршено вкусни јадења што секогаш будат спомени од детството.
„Драги мои, денешниот доручек – мини банички со сирење! Без чаршав, така ги развлекував, директно на работната површина. Тестото го замесив од синоќа, само малку, доволно за доручек,“ раскажува Зорка со насмевка.
За ова вкусно утринско задоволство не ви треба многу време, ниту искуство. Потребно е само малку трпение и добро расположение.
Рецептот е едноставен:
Во тестото се додава една лажичка сол, околу 50 мл масло и млака вода, доволно за да се добие средно меко тесто. Се остава во фрижидер преку цела ноќ. Наутро, тестото се дели на мали топчиња, кои се расукуваат со раце на намачкана површина и се оставаат да одморат околу 20 минути.
Потоа се развлекуваат, се полнат со сирење и се печат околу 20 минути на 220°C во загреана рерна.
Резултатот? Мирис кој ја исполнува целата кујна и вкус кој не се заборава!
„Имајте ми убав неделен ден, мили мои, бидете сите во добро здравје и поздравени од сè срце!“ – ни порача Зорка.
А ние само можеме да додадеме дека со вакво утро, неделата мора да биде убава!
