Знаете ли зошто мачките не сакаат возење во автомобил?

Повеќето сопственици на мачки ќе потврдат дека нивното милениче не е баш желно за возење во автомобил. Мачките, за разлика од кучињата, не уживаат во тоа искуство. Иако не можеме со целосна сигурност да кажеме зошто тие не сакаат да бидат ваши сопатници во автомобилот, сепак, познати се некои нивни карактеристики кои можеме да ги разгледаме.

Всушност, за мачките се смета дека се многу територијални и за нив дневната рутина е нешто од особена важност, како на пример одбележување на својата територија или пак закопување на својот измет. Аверзијата на мачките кон возењето е сао инстинктивна реакција предизвикана со промената во нивниот дневен распоред. Мачките, како и луѓето, се подложни на стрес во непознати и неудобни ситуации.

Прилично често е мачките да повратат за време на патувањето, што многумина го препишуваат на мачнините предизвикани од патувањето. Иако одреден број мачки навистина патат од ова, повеќето ќе повратат или ќе извршат голема нужда поради нервоза или страв. Ова е честа и вообичаена појава и затоа препорачливо е на кутијата за транспорт да ставите непропуслива подлога како пелено и слично.

Во никој случај не вадете ја мачката од кутијата за транспорт додека возите. На таков начин ќе се доведете во опасност и себеси, но и другите соучесници во сообраќајот.