После одредено време, вашата долна облека може да стане опасна по вашето здравје.
Иако многу жени тешко се збогуваат од омилените градници и ги фрлаат дури откако ќе се искинат, важно е да знаете дека и долната облека има свој рок на траење кој често истекува пред појавата на какви било видливи знаци на старост.
Експертите советуваат градниците да ги менувате на секои шест до осум месеци, а гаќите после година дена или порано, ако станат неудобни. Кај градниците потребно е да обрнете внимание и на одредени детали при нивното купување, со цел повеќе да ви траат.
Една многу честа грешка е закопчувањето на градникот на последното копче. Новиот градник би требало да можете да го закопчувате на првото копче, со цел да можете да преминете на следното кога лентата малку ќе се растегне. Тоа е посебно важно за жените кои имаат поголеми гради и на кои им е потребна поголема поддршка.
