По повод 22 април, Денот на планетата Земја, Еко клубот “Млади истражувачи еколози” и Секцијата по англиски јазик “Љубители на англискиот јазик” при ООУ “Гоце Делчев” -Центар од Скопје организираат Хепенинг под мотото “Знаеме, креираме, рециклираме “.
Овој хепенинг има натпреварувачки карактер и тоа, учениците се поделени во неколку работилници: 1.Прва работилница – учениците се натпреваруваат во креативни изработки од отпадна хартија, пластика, алуминиум 2. Втора работилница – ЕКО КВИЗ 3. Трета работилница -МОДНА РЕВИЈА во облека изработена од хартија. 4. Четврта работилница – изработка на маски од отпаден матерјал
Во модната ревија учествуваат ученици од VII и VIII одделение, членови на Секцијата по англиски јазик која ја води наставничката Слободанка Прелоговски.
Ревијата е тематска: Девојките се облечени во фустани кои ги претставуваат седумте континенти и Планетата Земја, односно се во модели во боите на континентите: црвена – Европа, жолта – Азија, кафеава -Австралија, зелена – Африка, розева – Северна Америка, портокалова- Јужна Америка, бела – Антарктик и зелена и сина -Мајката Земја, а има и фустани со цветни мотиви и пеперутки, кои го симболизираат растителниот и животинскиот свет. Момчињата носат зелени балони со пораки кои инспирираат да се грижиме за прекрасната Земја и да го зачуваме ова природно богатство.
Во кореографијата учествуваше и нашата позната манекенка Ана Коцева, која е поранешна ученика во ова училиште.
