Можеби овој период поминуваш низ тешки времиња и мислиш дека никогаш нема да најдеш излез. Се’ што чувствуваш е неизмерна болка која те влече наназад… Но, жено, продолжи напред, не запирај, ќе дојде крајот и на овие тешки времиња.
Не повредувај се самата себеси уште повеќе. Побарај ја помошта и поддршката која ти е потребна. Продолжи да ја бараш светлината и да најдеш утеха во утрешниот ден. Можеби сега мислиш дека никој не може да ти помогне, но реалноста е поинаква, само што ти во овие моменти не можеш да ја забележиш радостта околу тебе.
Отвори ги очите и обиди се да сфатиш дека вербата не е целосно изгубена. Потсети се дека животот е тркало и дека после дождот доаѓа сонцето. Не, оваа не е бајка, туку е вистина која многумина ја почувствувале, а ќе ја почувствуваш и ти. Нема постојано да врне над твоето небо. Во тие тешки времиња, не заборавај да веруваш во себе и да веруваш дека си способна да се излечиш и да зајакнеш.
Ако се бориш со нешто овој момент, знај дека колку и да боли, во еден момент работите повторно ќе се наместат на своето место. Ќе сфатиш дека си сакана и дека имаш луѓе околу тебе на кои им си потребна. Стравот ќе заврши. Ноќите нема да бидат толку тивки, застрашувачки и осамени. Ти повторно ќе го пронајдеш твојот пат, затоа, не запирај, продолжи!
