Како што постојат алфа мажи, така постојат и алфа жени. Тие се совршени мајки, домаќинки, успешни деловни жени. Сепак, покрај тоа, тие имаат нешто што магнетски ги привлекува мажите, а тоа не може да се дефинира со зборови.
Лавицата е доминантна личност. Нејзината појава е фасцинантна, умее да ја наметне својата волја и за себе го избрира само совршеното. Тоа ѝ припаѓа затоа што и самата таа тежнее кон совршенство. Лавицата е кралица на стајлингот и на добриот вкус, дури и кога не е совршена, ќе пронајде начин да ви се претстави како таква, а вие лесно ќе ѝ поверувате.
Покрај тоа, Лавиците се многу лојални. Секогаш можете да се потпрете на неа и да ѝ верувате, но внимавајте, овие жени не сакаат да им бидат тестирани границите! Како што Лавот е крал во џунглата, така и жените родени во овој хороскопски знак се вистински кралици. Тука е изразена нивната сила и доминација, при што многу често другите им се поклонуваат.
Кај жената Лавица нема да видите дека седи и дека чека да биде спасена од некој друг, туку со своите животни предизвици се соочува на свој начин. Оваа жена знае дека силата произлегува само од неа, па цврсто стои на земја и се бори за да го добие она што го сака, но и да ги реши проблемите со кои се соочува.
Покрај се’, жената Лавица ќе ја препознаете и по нејзиниот стил. Таа има одличен вкус, а нејзиниот плакар е полн со облека која внимателно ја избрала за да ја покаже нејзината храброст, елеганција и учтивост.
