Жените Скорпии од рана возраст ја запознаваат тешката страна на животот и така ја стекнуваат својата сила и храброст.
Одлучни се и можат многу да направат сами, но не се срамат да побараат помош и разбирање кога сметаат дека им е потребно. Активни се, брзи, вредни, снаодливи и работливи. Нивните шарм, досетливост, таинственост и интелигенција едноставно немаат граници. Посебно се истакнуваат во оние работи кои бараат истражувања на непознати подрачја.
Имаат голема самодоверба, а во животните предизвици се бестрашни и оптимистични. Маана им е што сакаат да ги контролираат другите и се доста посесивни, па неретко можат да бидат и љубоморни. Но, тоа е нивен начин да ја изразат својата неизмерна љубов.
Не потпаѓаат под туѓо влијание и сакаат да ја покажуваат својата независност. Не се алчни и не живеат во фантазиите и соништата, бидејќи се големи реалисти кои се свесни за своите квалитети за кои, пак, знаат дека вредат повеќе од материјалното богатство. Како партнери и сопруги, тие се нежни, посесивни и не сакаат нивната љубов да биде искористена. Кога сакаат, тие сакаат со целото свое срце.
Како пријатели, тие се верни, добри, стабилни и секогаш можат да го дадат вистинскиот совет во вистинското време. Успехот им е гарантиран.
