За неа велат дека е вистинска „опасна жена“.
Некои се плашат од неа, затоа што веруваат дека има неверојатна моќ. Еднаш кога ќе ја запознаете жената Скорпија, ќе сфатите колку е таа вредна и достојна за восхитување.
Оваа жена е верна и тоа е една од нејзините најдобри карактеристики. Ништо не може да ѝ се попречи на патот доколку станува збор за помагање на вистинските пријатели или човекот кој го сака. Таа е една од оние личности на кои слепо можете да ѝ верувате. Не дава лажни ветувања и е лојална до крајот на својот живот.
Жената Скорпија е независна и не ѝ е потребна личност која постојано ќе внимава на неа. Иако ви се чини мала, кревка и тивка, таа има сила и храброст како една лавица. Токму поради ова, способна е самата да се грижи за себе. Сака слобода и мрази кога ја ограничувате.
Речиси секогаш е одлучна и без сомнежи. Таа длабоко размислува и си поставува свои цели кон кои храбро чекори. Сето друго е неважно додека не го оствари она што го има зацртано. На тој пат никој не може да ѝ го одземе вниманието, колку и да се труди да го направи тоа.
Исто така луѓето може да ѝ позавидуваат и на нејзината страст. Кога сака, таа ќе направи многу работи за другата личност да биде среќна. Доколку не ве сака – подготвена е да направи многу работи за да ви го загорчи животот!
