Одлучна, упорна, стабилна, издржлива, толерантна, одговорна, грижлива, силна… Тоа е жената Бик!
Но, она по што најмногу се издвојува е нејзината чувствителност и трпеливост. Таа е стабилна и со неа не можете да манипулирате. Жената Бик во животот тежнее кон рамнотежа и сигурност. Ја сака природата, но не е авантурист и не сака да ризикува, затоа што не знае како да се справи со нагли промени. Какви искуства и да ѝ донесе животот, таа брзо учи од нив и најверојатно нема два пати да ја повтори истата грешка.
Нејзне најважно ѝ е во целост да го запознае својот партнер, но и да биде сигурна во својот избор пред да се впушти во нешто посериозно. Кога еднаш ќе се обврзе – најверојатно тоа ќе биде засекогаш. Мажот кој сака да ја освои оваа жена мора да биде подготвен на многу додворувања и заведувања, затоа што тоа е најдобриот пат до срцето на оваа жена. Многумина кои доживеале некакво искуство со неа, жената Бик ја опишуваат како неверојатна и незаменлива љубовница. Во љубовта најдобро се сложува со Рак, Девица, Јарец и Риба.
