Заштитете се од комарци без да користите различни хемии

Комарците се на сите страни и се чини дека најмногу сакаат деца.

Комарците се на сите страни и се чини дека најмногу сакаат деца. За да се спасите од овие досадни инсекти, најпрво би требало да испробате неколку природни решенија, пред веднаш да посегнете кон различните препарати кои содржат различни хемикалии. Експертите советуваат малите деца да ги облекувате во посветли нијанси, затоа што комарците ги привлекуваат темните бои. Избегнувајте слатки и овошни мириси, дезодоранси, омекнувачи за алишта и слично, затоа што комарците се „лепат“ по нив.

Во спалната соба поставете прозорски мрежи, а не би било лошо да поставите и саксија со босилек, затоа што инсектите бегаат од неговиот мирис. Исто така уште еден добар избор е и лимонот. Пресечете го на половина и оставете го во собата во текот на ноќта. Ако сепак се одлучите да купите некој спреј, задолжително барајте го оној кој е наменет и за деца, а не пропуштајте ниту да го прочитате упатството.