Многумина мислат дека слабеењето бара крајни мерки: глад, само варена брокула или зелка, и прескапи таблети нарачани од интернет. Но вистината е сосема поинаква. Доволно е да создадете лесен калориски дефицит, да ја одржите исхраната природна и балансирана, и – како што покажуваат студиите – да внесувате одредени намирници кои природно го намалуваат апетитот и ја подобруваат метаболната слика.
Еве кои се тие три „суперхерои“ на здрава исхрана за топење на килограмите:
Авокадо – масти што топат сало
Познато по „инстаграм тостовите“ и статусот на тренд намирница, авокадото не е само фотогенично, туку и нутритивно моќно.
Богато е со омега-3 и омега-9 масти, кои не само што се добри за срцето, туку и создаваат чувство на ситост, што спречува прејадување. Истражување од 2022 година покажа дека едно авокадо дневно значително придонесува за намалување на обемот на половината.
Јагоди, малини, боровинки – слатка бариера против глад
Малите, шарени плодови се богат извор на антиоксиданси и растителни влакна. Само една рака од овие бобинки, измешани со малку грчки јогурт, може да биде идеален појадок или ужина за оние што се на диета.
Истражувања велат дека 600 грама капини дневно во тек на една недела ја подобруваат инсулинската чувствителност и делуваат превентивно на дебелината и дијабетесот тип 2.
Семки од чиа – најмоќниот заситувач што постои
Со 35% од дневната потреба за влакна во само една порција, чиа семките се идеални за сите кои имаат проблем со постојан глад. Кога ќе се натопат во вода или јогурт/млеко, тие набабруваат и создаваат волумен во желудникот, давајќи чувство на ситост без вишок калории. Дополнително, тие се и одличен извор на калциум, магнезиум и антиоксиданси.
Како да ги вметнете во менито?
Авокадо + интегрален тост + урда или посно сирење (младо сирење, моцарела)
Грчки јогурт + мешани бобинки
Чиа + растително млеко или грчки јогурт + парчиња ананас или манго
Со овие мали промени и правилен пристап, слабеењето не мора да биде мачење. Ниту екстремна жртва. Телото само ќе ви се заблагодари.
