Љубители на есента, вселете ја оваа сезона во вашиот дом со само неколку едностави детали

Многумина ја занемаруваат убавината на есента, фокусирајќи се на ветровите, дождот и нерасположението, Но, за оние кои знаат како да уживаат во оваа годишна доба, ви покажуваме неколку начини преку кои можете да ја вселите есента во вашиот дом и да уживате со вашите најмили.

Покажете ја убавината на оваа сезона преку најразлични детали

Есенските аранжмани зрачат со необична убавина, топлина и внесуваат позитивна енергија во просторот каде што се наоѓате. Жолти, црвени, зелени, шарени тикви со неправилен облик може да ви послужат како идеална основа за правење прекрасни и разновидни аранжмани. Додавајќи поедини украсни билки и цвеќиња, ќе добиете вистински уметнички дела, а секој од нив ќе има своја уникатност.

Изненадете ги гостите

Декорирајте ги скалите со украсни тикви и саксии во различни бои. На секоја скала ставете по една поголема тиква и една до две саксии со цвеќе.

Дајте му на својот дом златен сјај

Ослободете мал простор од полиците во вашата кујна, па додајте несекојдневен аранжман. Неколку суви цвеќиња или мали тиквички ќе ви дадат посебна свежина, а вие повеќе ќе уживате извршувајќи ги вашите обврски.

Играјте си со плодовите од есента

Без разлика дали ќе се подготвувате за слава или за обично опуштено дружење со пријателите, масата можете да ја збогатите со посебни аранжмани. На средина поставете тиква со средна големина, а околу неа наредете пчченка, грозје, јаболки, дуњи…