Водолиите се независни личности, а секој обид да ги задржите или да ги ограничите, е само провокација поради која тие можат и да ви избегат. Независноста не е само нивна желба, туку и предуслов за нивната среќа.
Нивната ладна надворешност сокрива пријателско срце кое ќе се обиде да им помогне на своите пријатели и тоа на сите можни начини. Водолиите сакаат кога се среќни луѓето околу нив, па затоа се обидуваат постојано да прават добрини. Не очекуваат ништо за возврат, а единствено што им е важно е тоа никој да не се обиде да ја ограничи нивната слобода. Затоа – дозволете им да бидат слободни.
Водолиите сакаат да направат нешто корисно во животот. Комуникацијата со луѓе може да им помогне да станат одлични политичари, социјални работници или психолози. Тие се мислители и често имаат многу идеи и нови теории. Водолиите постојано бараат мудрост и секогаш го зборуваат она што го мислат. Прилично се објективни и никогаш не дозволуваат емоциите да им го заматат умот.
