Во една од наредните емисии на „Ѕвездите на Гранд“ ќе има посебен сегмент посветен на Саша Поповиќ – еве ги деталите
Како помина првото снимање на „Ѕвездите на Гранд“, без Саша.
Оваа недела беше снимена првата епизода на „Ѕвездите на Гранд“ без креативниот директор и основач на Гранд, Саша Поповиќ, а тимот кој работи на најгледаниот проект се потруди сè да помине беспрекорно.
Посебен сегмент во „Ѕвездите на Гранд“ беше посветен токму на Саша, а како што откри Милан Митровиќ, гледачите наскоро ќе имаат можност да го видат тоа пред малите екрани.
– Имаше еден посебен сегмент, и тоа ќе биде многу емотивно, но и убаво за гледање. Дури има и една песна посветена на Саша Поповиќ, но не би сакал да откријам повеќе од тоа. Наскоро ќе видите сè – изјави Милан Митровиќ, а потоа додаде:
– На убав начин и со еден прекрасен гест му беше оддадена почит на нашиот Саша. Навистина не смеам да откријам сè, не би било толку убаво и интересно на крајот.
Како ќе изгледаат „Ѕвездите на Гранд“ без Саша Поповиќ
Потсетуваме, речиси еден месец по заминувањето на Саша Поповиќ, екипата на „Ѕвездите на Гранд“ повторно се собра во студиото на Гранд овој понеделник.
– Ќе ни биде многу тешко. Веќе подолг период бевме без него, но редовно се слушавме. Се јавуваше по телефон, ни пишуваше пораки на сите нас. Првпат сега, вака, без неговиот глас, но животот мора да продолжи. Заради него мораме да бидеме уште подобри и гледани – изјави Вики Миљковиќ за Гранд.
Сите детали од првото снимање на „Ѕвездите на Гранд“ по смртта на Саша Поповиќ можете да ги погледнете во видеото подолу.
