Вкусен сладолед со кондензирано млеко кој можете да го направите и самите (Рецепт)
Поради својот млечен вкус, текстурата и многу едноставната подготовка, сладоледот со слатка павлака и кондензирано млеко е еден од најпоуларните домашни сладоледи.
Потребни состојки:
- 500 грама слатка павлака
- Кондензирано млеко
- Декорација по желба (ванила, овошје, какао, чоколадо, бонбони…)
Подготовката започнете ја со подготовка на шлаг од 500 грама слатка павлака, така што ќе мешате додека не добиете кремаста текстура. Потоа во неа додајте 500 грама засладено кондензирано млеко, па добро измешајте, притоа внимавајте мешањето да не трае предолго. Доколку не знаете од каде да купите кондензирано млеко, истото можете да го направите и самите. Вака подготвената смеса за сладолед, декорирајте ја по ваша желба.
На пример, ставете бисквити, исечкани ореви, овошни плодови, меки бонбони, парчиња чоколадо, растопено чоколадо или какао. Некои овошја дури можете да ги комбинирате и со ѓумбир, свежо нане, а доколку сте љубители на едноставниот вкус, тогаш во смесата додајте само екстракт од ванила.
Сладоледот е подготвен за консумирање по околу 6 часа замрзнување.
