Познатата Британка ни одржа лекција како да носиме рамни сандали – комбинација што вреди да ја копираме ова лето!
Познатата британска дизајнерка Викторија Бекам и мајка на четири деца неодамна ја прослави 19 годишнината од бракот на романтична вечера во Париз со сопругот Дејвид.
Беспрекорно дотерана, впрочем како и секогаш, Вики се прошета во совршено летно издание кое преставува спој на лежерна кошула со подвиткани ракави на тренди начин и макси здолниште кое во последно време е хит меѓу познатите трендсетерки, од нејзината последна колекција.
Иако најчесто ја гледаме во опасни високи потпетици, овој пат Викторија носеше удобни бели рамни „hiker“ сандали од познатата француска модна куќа „Celine“.
Целото издание го заокружи со очила за сонце, плико чанта со нејзин потпис, златен часовник и „несредена“ боб фризура.
Фотографиите од романтичната вечера во Париз, Викторија и Дејвид ги споделија на социјалните мрежи демантирајќи ги уште еднаш последните гласини дека нивниот брак е во криза и дека наводно се разведуваат.
https://www.instagram.com/p/Bkwp6cPlBJ1/?taken-by=victoriabeckham
https://www.instagram.com/p/Bk0xWwEBq3R/?hl=en&taken-by=davidbeckham
