Викторија Бекам на насловната страница на Вог – овој пат во едно невообичаено издание

Како интернационална стилска икона, Викторија Бекам зад себе веќе има неколку насловни на Вог, но оваа последната е сосема поинаква од сите останати.

По повод 10-годишнината од нејзиниот истоимен моден бренд, на дизајнерката ѝ припадна честта да биде прва ѕвезда на новиот број на австралиската верзија на Вог, во кој се појави во едно невообичаено издание.

Викторија за насловната позираше во градник во боја на кожата, бордо здолниште со ремен високо на струкот и виолетови волнени ракавици без прсти.

Освен што изненади со аутфитот затоа што вообичаено негува елегантен деловен стил, својот вообичаен кармин го замени со црвен кој го трансформираше нејзиниот изглед, додека останатата шминка беше во неутрални земјени тонови.