На почетокот вртењето на хулахоп може да биде малку напорно бидејќи се користат делови од телото кои инаку не ги раздвижуваме многу, а и самиот хулахоп може да ни направи модрици по телото додека кожата не се навикне и зајакне. Главната работа што треба да ја имате во предвид е дека треба да застанете со едното стапало поставено пред другото, а не со стапалата едно до друго, и дека треба да го турката хулахопот со колковите, а не да го вртите во круг со телото.
{vimeo}15647903{/vimeo}
Откако ќе научите како да го координирате своето тело за да го вртите хулахопот можете да пробате да го вртите и со другите делови од телото. Професионалците можат да вртат хулахоп на рацете, на вратот, и дури и на коленото. Самото вртење на хулахоп потекнува од циркузот и не е само игра, туку и забавен перформанс.
Освен тоа што може да ви помогне да ослабнете, да се раздвижите, да се забавувате, кружните движења со колковите при вртењето на хулахоп можат да стимулираат сексуални чувства и да ви го подобрат сексуалниот живот.
