Реализацијата на оваа програма нема да ви одземе многу време, а ќе ви помогне да го зацврстите телото, посебно во подрачјето на стомакот.
Колку и да избегнувате да вежбате, време е малку да се потрудите да се размрдате… не мора да одите никаде, овие вежби можете слободно да ги правите дома.
ВЕЖБА 1: ПЛАНИНАРКА
Наместете се во позиција за правење склекови: испружете ги рацете во висина на рамењата и потпрете се со нив на подо, испружете ги нозете зад себе и потпрете се со врвовите на патиките на подот, при што грбот мора да ви биде исправен. Свиткајте ја левата нога и приближете ја колку можете повеќе до градниот кош, како да се качувате по планина, па потоа вратете ја во почетната позиција. Повторете ја вежбата и со десната нога, па потоа правете ја наизменично со левата и со десната, колку пати можете во 60 секунди.
ВЕЖБА 2: ЛАКОТ
Потпрете се со левиот лакот на подот, испружете ја десната рака во воздухот, а останатиот дел од телото свртете го на колкот. Кревајте се од подот со врвот на левото стопало и полека се спуштајте во траење од 60 секунди, па повторете ја целата вежба со десниот лакот, колк и нога.
ВЕЖБА 3: СТРЕЛЕЦ
Легнете на подот како да се подготвувате за правење стомачни. Свиткајте ги благо колената, при што стапалата ќе ви бидат рамно поставени на подот. Спојте ги двете раце во права линија која ќе наликува на стрела. Кренете го горниот дел од телото и со врвот на стрелата допирајте го наизменично левиот и десниот колк. Повторете ја вежбата колку пати можете во траење од 60 секунди.
ВЕЖБА 4: БАЛЕРИНА
Останете на подот. Потпрете го горниот дел на подот со помош на лактите така што лактите ќе ви бидат во иста линија како и рамењата. Наизменично кревајте ја левата и десната нога така што ќе формираат агол од 90 степени. Повторете ја вежбата колку пати можете во траење од 60 секунди.
ВЕЖБА 5: ВЕТЕРНИЦА
Застанете во широк расчекор со благо свиткани колена и стапала свртени нанадвор. Исправете го горниот дел од телото и со десната рака замавнете преку главата на десно. Потоа со левата рака замавнете преку главата на лево. Наизменично менувајте ги рацете во траење од 60 секунди.
ВЕЖБА 6: БОКСЕРКА
Останете во расчекор. Кренете ги рацете, свиткајте ги во лактовите со стегнати шаки во висина на ушите како да се подготвувате за боксерски меч. Кренете го левото колено и обидете се да го приближите што е можно повеќе до десниот лакот. Останете во оваа позиција неколку секунди, па вратете се во првобитната положба. Повторете го истото со десното колено и левиот лакот. Наизменично повторувајте ја вежбата во траење од две минути.
Извор: Zadovoljna.hr
