Откако Нвидиа инвестираше 100 милијарди долари во ОпенАИ, се чини дека парите бесконечно течат кон вештачката интелигенција. Економисти од Дојче банк и од Вол стрит предупредуваат дека актуелниот глобален бум на ВИ е неодржлив, освен ако развојот на новата технологија не ја следат инвестиции по „параболична линија“.

Анализи покажуваат дека фалат уште 800 милијарди долари.

Внатрешно истражување на Дојче банк укажува дека капиталните инвестиции во вештачката интелигенција се толку големи што ги спасуваат САД да не влезат во рецесија. Во белешките се предупредува дека сегашниот бум на технологијата „веројатно не е одржлив на подолг рок“.

Анализа на фирмата Bain & Co. покажува дека околу половина од добивките на берзанскиот индекс S&P 500 оваа година се поттикнати од технолошките акции, но и проценува дека се создава дупка од 800 милијарди долари во приходите потребни за финансирање на инфраструктурата за понатамошен развој на компјутерската технологија со ВИ.

„Вештачката интелигенција нема да може да генерира доволно приходи за да ја одржи компјутерската моќ што ѝ е потребна за да ја изгради. Потребен е годишен приход од 2.000 милијарди долари за да се финансира компјутерската инфраструктура за да се задоволи очекуваната побарувачка за ВИ до 2030 година. Дури и со заштедите, на светот сè уште му недостасуваат 800 милијарди долари за да го одржи чекорот со побарувачката“, се вели во извештајот.

Голдман Сакс објави оптимистички прогнози дека зголемувањето на продуктивноста поради примената на ВИ ќе го зголеми БДП на САД за околу 0,4% во следните неколку години, односно кумулативно за 1,5%.

– Откако ќе биде широко усвоена ВИ ќе им овозможи на работниците и фирмите да произведуваат повеќе, што ќе го зголеми растот, порачува Мануел Абекасис од Голдман Сакс.

39 отсто од Европејците би прифатиле консултација со ВИ наместо со лекар

Поддржувачите на AI во здравството наведуваат дека дигиталните системи нудат брзи и објективни информации, а дел од испитаниците дури се чувствуваат посигурни кога споделуваат лични здравствени податоци со виртуелен интерфејс отколку со човек.

Според извештајот, на вештачка интелигенција најмногу би се обратиле и 56% од Унгарците, 55% од Чесите и 54% од Словаците.

Сепак, 52% од Европејците остануваат неутрални, а главна причина за избегнување консултации со AI е недовербата во точноста на медицинските совети. Тоа го наведуваат 61% од Ирците, 60% од Швеѓаните и Португалците, 59% од Казахстанците, 58% од Данците.

Загриженост за тоа дека личните податоци би можеле да бидат злоупотребени изразиле 25% од Ирците, 24% од Британците, 22% од Французите и Германците, додека во Србија тоа го сметаат проблем само 8% од испитаниците.

Иако AI добива се повеќе поддржувачи, најголем дел од граѓаните и понатаму најмногу му веруваат на својот избран матичен лекар и здравствените работници. Според истражувањето, лицата над 55 години и оние со добро физичко здравје значително повеќе имаат доверба во лекарите, додека помладите генерации се потпираат на здравствени инфлуенсери и на вештачката интелигенција.