Меган во венчаница од неверојатни 400.000 долари и со дијамантска тијара му се заколна на вечна љубов на принцот Хари
Принцот Хари и Меган Маркл се венчаа денес во капелата во дворецот во Виндзор, а преку малите екрани церемонијата ја следеа стотици милиони луѓе од целиот свет.
Според првичните информации, а како што пренесуваат странските медиуми, цената на венчаницата е 400.000 долари, а од кралското семејство појаснуваат дека можеби звучи прескапо, но станува збор за венчавка на годината и во неа се вложени стотина часови рачна изработка.
Фустанот е со потписот на британската дизајнерка Клер Вејт Келер, а инспирирана е од венчаницата што ја носеше кралицата Елизабета II кога во 1947 година се омажи за Филип, војводата од Единбург.
Инаку, Вејт Келер минатата година стана првата жена директор во престижната француска модна куќа „Живанши“.
Дијамантската тијара што ја носеше Меган е стара преку 125 години
Прстенот на Меган е изработен од велшко злато и е поклон од англиската кралица Елизабета II, додека прстенот на принцот е изработен од платина. И двата прстени се направени во лондонската златара „Клив енд компани“ која го изработи и свршеничкиот прстен на Меган Маркл.
The #RoyalWedding bands have been made out of traditional Welsh gold by GREAT Britain campaign partner Cleave and Company, who also made Ms. Markle's engagement ring. pic.twitter.com/r800cBa4zu
— GREAT Britain and Northern Ireland Campaign (@GREATBritain) May 19, 2018
Дијамантска тијара што Меган ја носеше на венчавката беше наменета за кралицата Мери која е крунисана заедно со сопругот кралот Џорџ V во 1911 година.
Тијарата во наследство ја има добиено кралицата Елизабета II, бабата на младоженецот, принцот Хари, која во своите заклучени трезори чува стотици тијари.
