Се ближи велигден, еден од најубавите празници во годината кој го поминуваме со своето семејство. Сигурно веќе ја имате испланирано велигденската трпеза, а ако ви недостасува десерт, тогаш ви го прикажуваме овие миризливи колачиња кои ќе ви помогнат да создадете прекрасна празнична атмосфера.
Потребни состојки:
- 1 килограм брашно
- 3 јајца
- 2 жолчки
- 2 пакетчиња ванилин шеќер
- кора од 3 рендани портокали и 1 лимон
- 100 милилитри масло
- 150 грама путер
- 1 свеж квасец
- 500 милилитри млеко
- малку сол
Начин на подготовка: Затоплете 100 милилитри млеко во еден сад, а потоа во истиот додадете 1 лажичка шеќер и 1 брашно. Добро промешајте па додајте го свежиот квасец и оставете го да нарасне. Брашното ставете го во подлабок сад. Размешајте 3 цели јајца и 2 жолчки од јајце додека не се добиете пенеста смеса, а потоа додајте шеќер, ванилин шеќер и повторно измешајте додека смесата не стане хомогена и шеќерните кристали не се растопат. Потоа додадете ја ренданата кора од портокал и лимон, промешајте.
На тивок оган стопете го путерот и маслото. Додадете ја и смесата од јајца и шеќер во брашното и измешајте нежно, а потоа истурете ја маснотијата со постојано мешање. Додајте прстофат сол и надојдениот квасец, измешајте повторно и започнете да го додавате млекото со постојано мешање.
Потоа покријте го тестото и оставете го на топло, додека не нарасне добро. Откако ќе биде готово, поделете го на 4 еднакви топчиња и од секое направете мали топчиња. Ставете ги во тава за печење и оставете ги да нараснат. Потоа загрејте ја рерната на околу 150 степени и обликуваните топчиња исечете ги со остри ножици од средина кон краевите, со тоа што ќе имаат пресеци од околу 6 сантиметри. Печете околу 30-тина минути.
Додека се печат колачињата, направете сируп од 100 милилитри вода и 1 лажичка шеќер. Откако ќе се испечат колачињата, извадете ги и премачкајте ги со сируп, па ставете им шеќер. Така направените колачиња ставете ги во рерна уште околу 10 минути. Добар апетит!
