Совршен ручек за летните денови, а штом еднаш го пробате ќе стане редовно мени на вашата трпеза.
Состојки:
За ќофтињата:
500 г мелено месо (мешано: говедско и свинско или по желба)
1 јајце
1 главица кромид (ситно сечкан или изрендан)
2–3 чешниња лук (ситно сечкани)
2 лажици лебни трошки
Сол, бибер
Малку сечкан магдонос
Прстофат оригано (по желба)
За сосот од домати:
500 мл пасиран домат (или пелати)
1 главица кромид (ситно сечкан)
2 чешниња лук (здробени)
1 лажичка шеќер
1 лажица доматно пире (концентрат)
Сол, бибер, сув зачин (по желба)
Малку оригано и босилек (сув или свеж)
Трик за вкус: 1 лажичка путер + прстофат цимет или морско оревче
Малку маслиново масло
Подготовка:
1. Подготовка на ќофтињата:
Во длабок сад измешајте ги сите состојки за ќофтињата. Добро измесете со рака додека смесата не стане компактна. Обликувајте топчиња со големина на орев (или поголеми, по желба). По желба, можете да ги запржите во малку масло околу 5–6 минути додека не добијат коричка, но може и директно да се стават во сосот.
2. Подготовка на сосот:
Во тава со малку маслиново масло пропржете го ситно сечканиот кромид додека омекне. Додајте го лукот, а штом замириса, ставете го доматното пире и кратко пропржете. Потоа додадете го пасираниот домат, шеќерот, зачините и трикот – путер и прстофат цимет или морско оревче. Оставете да се динста 5-10 минути на тивок оган.
3. Финално готвење:
Во сосот внимателно додадете ги ќофтињата (пржени или сирови). Поклопете ја тавата и гответе на тивок оган 25–30 минути, сè додека ќофтињата омекнат и сосот не се згусне. Повремено промешајте внимателно за да не се распаднат.
Служете ги топли со пире од компири, тестенини, ориз или парче леб.
