Вака се почитува мајка – Билјана Јаневска најсреќна на роденденот на Даница (Фото)

Билјана Јаневска, поранешна успешна манекенка, речиси четири години работи во депонија „Дрисла“, а сега е на работно место еколог.

Секогаш полна со позитивност, ведрина и пријатни изненадувања, Билјана овојпат ни раскажа за еден посебен настан – за роденденот на мама Даница која наполни 70 години.

Својот роденденски јубилеј, Даница го направила во своја режија.

„Сакаше за роденденот да не однесе надвор од Скопје, па одлучи тоа да биде во Куманово, во гостилница „Кај баба Цана“. Овој роденден бидејќи е јубилеен одзема малку поголемо внимание, ненаспаност и возбуда, затоа што мое беше украсувањето, балоните, тортата од Делиција… За жал времето малку не ни се погоди, но таков е март. Сè може да се очекува. Мајка ми прослави со најблиските, со тие што ги сака“ – ни раскажува шармантната Билјана.

Госпоѓа Даница за свечената пригода одбра виолетова модна комбинација во која блесна покажувајќи  елеганцијата и стил. За совршената, а дискретна шминка, се погрижи мејк-ап артистката со волшебни раце Маја Гечовска Тошевска.

А за нејзината убавина – веќе сме сигурни од кого Билјана ги наследила убавите гени.

Среќен роденден и од нас!