Вагата секогаш бара независност и самостојност, особено во донесување на важни одлуки. Ако погреши – отворено го признава својот погрешен став.
Вагата сака друштво и во друштвото секогаш е ценета и омилена, затоа што знае како да направи добра забава. Секогаш има добра волја, благодарна е за она што го има и нејзините зборови се полни со љубов и разбирање. Вагите немаат голем круг на пријатели, а оние кои ги имаат им се посебни.
За Вагите љубовта е од големо значење. Бидејќи се променливи и немирни, тие честопати запаѓаат во конфликти и драматични ситуации, но од се’ знаат да пронајдат излез. Во бракот се нежни, чувствителни и бараат мир.
Вагата одлично се снаоѓа со сите луѓе и се вклопува во сечие друштво. Таа има разбирање за сите и работите ги разгледува од повеќе аспекти. Најмногу сака кога другите околу неа се среќни, а не сака да гледа кавги, тензии и агресивни луѓе. Сака се’ околу неа да е уредно и чисто и настојува да се опкружи со убави личности и работи.
Пријателите на Вагата секогаш ја бараат за љубовен совет, а таа секогаш е расположена за добар и длабок муабет. Исто така треба да се истакне дека Вагата има и развиена смисла за хумор, па честопати ќе пронајде нешто убаво, смешно и интересно, во нешто кое можеби за другите е обично.
