Утре се Младенци – моќна молитва за вечна љубов, наместо прослава

Младенци се празнува секоја година на 22 март во чест на Светите четириесет маченици од Севастија, кои загинале заради својата христијанска вера. Според преданието, тие биле фрлени во замрзнато езеро, но Божјата милост се покажала преку чудесна светлина и венци кои се спуштиле врз нив.

Овој празник е особено значаен за младите брачни парови кои стапиле во брак во изминатата година. Тие на овој ден ги примаат своите најблиски во домот, а традицијата налага подготовка на посни колачи, познати како „младенчиња“. Обично се прават 40, во чест на мачениците, а еден повеќе се додава за идното дете во семејството.

Младенци спаѓа во црковните празници кои секогаш се чествуваат, но поради големата трагедија која се случи во Македонија, но и бидејќи паѓаат во периодот на Велигденскиот пост, чествувањето треба да биде скромно и во согласност со црковните канони.

реклама

Во денови на жалост, традиционалното собирање треба да изостане, или да биде поспокојно. Наместо тоа, младенците можат да го одбележат празникот со молитва, посна трпеза и изговарање на молитвата за љубов и верност.

Обичаи и верувања

Младенци се паѓаат во време на Велигденскиот пост, па храната што се подготвува треба да биде посна.

Според народното верување, каков ќе биде овој ден за младите сопружници, таков ќе им биде и брачниот живот – исполнет со среќа и хармонија или со предизвици и искушенија.

Марpкетинг

Во минатото, на овој ден сите кои присуствувале на свадбата на младенците доаѓале во нивниот дом и им носеле подароци што ќе им помогнат во брачниот живот. Денес, овој обичај е поедноставен, но сепак, најблиските роднини и пријатели ги посетуваат младите брачни парови за да им ја изразат својата поддршка и желби за среќен брак.

Светите маченици – заштитници на љубовта и верноста

Светите четириесет маченици се сметаат за заштитници на младите брачни парови, љубовта и верноста. Нивната жртва е потсетник дека во секој заеднички живот има предизвици, но со вера, трпение и меѓусебна поддршка, тие можат да се надминат.

Молитва кон Светите маченици

„Свети четириесет маченици, заштитници на љубовта и верноста, молете се за нас пред Господа, дарувајќи ни мир, разбирање и благослов во животот.

Чувајте ги младите брачни парови и подарете им среќа, љубов и благодат. Амин.“

Младенци останува празник што ја симболизира љубовта, заедништвото и почетокот на новото поглавје во животот на младите сопружници.