Овој необичен рецепт сигурно ќе го придобие вашето внимание…
Потребни состојки:
- 1/3 квасец
- 1 лажичка кафеав шеќер
- 1 лажичка сол
- 3 децилитри вода
- 500 грама брашно
- 1 лажица сода
- 1 лажица путер
- 1 литар вода
- 30 грама крупна морска сол
За намаз од сирење:
- 100 грама сино сирење
- 1 лажица маргарин
- 2 лажици крем сирење
- 0,3 децилитри пиво
- Половина лажичка црвен пипер
- Половина лажичка бибер
Начин на подготовка: Најпрво ставете ги квасецот, солта и шеќерот во шолја со топла вода. Квасецот додадете го во брашното, и потоа додавајќи 3 дл вода, замесете тесто и оставете го да отстои околу 30 минути. Во плиток лонец загрејте еден литар вода во која сте ставиле сода бикарбона. Кога тестото ќе порасне поделете го на 12 еднакви делови. Од секој дел направете „стапче“ долго околу 50 см. Обликувајте го во вид на перек, и секој перек потопете го во растворот со сода бикарбона, а потоа посипете го со крупна морска сол. Оставете ги во тава да отстојат 10 – 15 минути. Переците печете ги во рерна на 230 степени, 10 – 15 минути, или додека не добијат златна боја. Потоа извадете ги од рерната и премачкајте ги со растопениот путер. Состојките за намазот од сирење ставете ги во сад, а потоа со рачен блендер убаво измешајте ги.
Повикајте ги вашите најдраги пријатели на гости и уживајте во ова вкусно задоволство.
