Дали сакате славско жито? Може да го направите во поздрава и многу повкусна варијанта.
Наместо класичната пченица, употребете спелта, мед и суво овошје, а рецептот всушност произлегува од неодоливите „бомбици“ наречени Фереро.
Станува збор за здрава верзија на познатите чоколадни топчиња. Се прават со спелта, печени лешници, кокосово масло, путер од лешници и сушени брусници. За арома се додава малку мед, екстракт од ванила и цимет, а резултатот е фантастичен.
Подготовката е едноставна:
Зрната спелта потопете ги преку ноќ со една лажичка сода бикарбона (така полесно се варат). Наутро измијте ги и варете додека да омекнат. Во блендер сомелете ги печените лешници и сварената спелта. Додадете путер од лешници, мед, екстракт од ванила и цимет.
На крај вмешајте ги во смесата и сушените брусници. Со влажни дланки оформете мали топчиња и ставете ги во фрижидер да се изладат.
Во меѓувреме, подгответе ја чоколадната глазура:
На тивок оган загрејте две супени лажици кокосово масло, малку мед и две супени лажици какао во прав. Топчињата потоа извалкајте ги или прелијте ги со глазурата, па извалкајте ги во бадемовите ливчиња. Оставете ги добро да се изладат.
